3747/2022-2023

Kolasib dated 3rd March 2023: Vawiin khan Minister Er. Lalrinawma, Social Welfare, Excise & Narcotic etc. chuan YMA Khelmual, Vairengteah 'Mizo Tlawmngaihna' tih thupui hmang a Chapchar Kut pual a hun an buatsaih ah Kut Pa niin hun a hman pui.

Kut Pa Minister Er. Lalrinawma chuan kal khawmte Kut chibai bukin Vairengte khawtlang in ramri buai laia Mizoram aiawha an ding tlat thin leh an thawhrimna chu fakawm a tih thu sawiin Kut thupui chu a taka lan chhuah tirtu ni zel turin a chah a. Hun lo kal zel turah pawh ram leh hnam humhimna kawngah lungrual taka thawh ho pui zel ah Vairengte khawtlang chu a sawm nghal bawk a ni. Minister chuan Chapchar Kut hman chhan leh Mizo Kut te chu hlut thiam a pawimawh thu tarlangin, mahni hnam ziarang leh tawngte zahpui loa a chawi nungtu nih tum theuh turin kal khawmte chu a chah a, ruihtheih thil lakah fihlim tur leh ruihhlo do rem anih theih nan theihtawp chhuah thar theuh turin a sawm bawk a ni.

Er.Lalrinawma chuan hmanlai kan pi leh pu hunlai atangaTlawmngaihna nunpuitu kan nih angin a tul hun ah chuan kawmg engkimah hma hruaitu nih tum turin kalkhawmte a chah a, hming?hat tumna leh lansarhna tumna tih nghin phak loh ,zo nun ze mawi tlawmngaihna dah pawimawh hmasa fo ?hin turin a fuih bawk a ni.

Kut Thlengtu Pu Neng Thianlal SDO(Civil) Vairengte leh Maj Gen. Rajiv Thapar, Commandent CIJW-te'n he hun ah hian thusawina an nei a, Mizo hnam lam leh ziarang hrang hrang YMA, MHIP leh Cultural Club-te'n an entir bawk a ni.

He hun hi Pu Zalawta Chairman, Chapchar Kut Organizing chuan kaihruaiin Rev. Jessie Zosangliana'n hunserh a hmang a, Pu Lalrammawia Ralte Vice Chairman, Chapchar Kut Organising-in lawmthu sawina hun a hmang a ni.