Pi Maggie L.Ralte leh Bookline, Kolkata te tangkawpa huaihawt 8th Aizawl Book Fair 2015 chu vawiin chawhma dar 11:00 khan Finance Minister Pu Lalsawta’n Vanapa Hall ah a hawng. Minister chuan mipui ten lehkhabu tha kan chhiar theih nana harsatna hrang hrang paltlanga Aizawl Book Fair buatsaih a ni chu lawmawm tiin mipui te leh zirlai ten tangkai taka an hman a beisei thu a tarlang. Pu K.Liantlinga, Ex MLA pawhin Book Fair buatsaih nachang buaipuitu ten an hria chu lawmawm tiin Mizo mipui ten lehkhabu pawimawhna kan la hre tawk lo chu kan harh chhoh mek thu te a tarlang a, Book Fair chu thalai te tan chhawrnahawm tak a nih ngei a beisei thu a sawi lang bawk.

Aizawl Book Fair hawnna hi MZP President Pu Lalhmachhuana’n a kaihruai a, Morning Post Editor Pu L.T.Sanga leh Centenary School, Dawrpui Church Vice Principal Pi Lalsangdeli Fanai ten thusawina hun an hmang bawk. Book Fair hian June 25 thleng a awh ang.