Vawiin khan Animal & Husbandry Department, Kolasib chuan Kolasib District a NLUP 2nd Phase a Vawk Vulh (Piggery Trade) thlangtu beneficiary 457 te hnenah 3rd Installment atan vawk note pali (4) theuh an sem a. Kolasib khawpuia beneficiary 171 te chu District A.H. & Vety Office tualah vawk note te hi pek an ni a. Khaw danga ah chuan AH & Vety Department-a thawkte kalin a hmunah an sem a ni.

2nd Phase a Vawk Vulh thlangtu te hnenah hian 1st Installment ah vawkpui 2 leina leh a in sakna pek an ni tawh a, 2nd Installment ah vawk note dahna tur in sakna pek an ni tawh bawk.

Kolasib bakah Bilkhawthlir, Vairengte, Thingdawl, Kawnpui leh Hlimen tlangdunga khaw 8 a beneficiary te hnenah vawiin khan vawk note hi pek a ni.