Vawiin chawhma khan Mission Vengthlang Y.M.A Hall-ah SDEO Aizawl West hnuaia zirna tih hmasawnna tur kawnga hmalakna thar Learning Enhancement Programme chu Education Minister Pu Lalsawta’n a hawng
Khuallian Pu Lalsawta Education Minister chuan School Education Department thawktute inlungrualnain a tihlawm thu sawiin Education Department changtu Minister ani chu vannei a intih thu a sawi a, hetiang zela kan tanrual chuan education hmanga ram siam tura Department hmalakna ah hian hlawhchhamna tur a awm lo a ni a ti. Zirtirtute chuan September ni 5 chauh nilovin nitin hi Teacher’s Day a hman tlaka tan la thar sauh sauh turin kalkhawmte a fuih a ni. SSA Model school thenkhat hlawhtling taka zirna kalpui an awm rualin a nawlpuia chhutin Sawrkar School ten Private School-te an tluk pha rih lo a ni tih hi kan pawm ngam a tul thu sawiin, Sorkar school-a zirlai an tlem telh telh mai chu a vei thu a sawi a, zirlai an awm miau loh chuan khawpuia zirtirtute hi zirlai awmna hmun kilkhawr tak taka transfer an la ngai dawn a ni a ti. He zirna tihmasawnna atana hma lakna thar hian Sawrkar school-a zirlaite hnena zirna quality tha leh chhenfakawm a pek ngei a beisei thu sawiin zirlaite pawhin Sawrkar School an ngaihhlut deuh deuh theih nan thahnemngai taka thawka , ram tana thawk an nih inhre tur leh phur taka hah inhuam turin zirtirtu kalkhawmte a fuih bawk a ni.
He inkhawm hi PU K.Riachho Secretary & Director School Education chuan kaihruaiin Right to Education tihhlawhtlinna peng pawimawh tak a nih thu a sawi a, Pu Lalhmachhuana SDEO (Aizawl West), he programme hnarkaitu ni bawk chuan report pe in, an thil tum ber chu naupangten an hmalam hun lo kal zel tura harsatna leh chona hrang hrangte hlawhtling taka an hmachhawn theihna tura lo buatsaih anih thute leh Zokhaw School leh khawpui school ten zirna tha inangtlang tak an kalpui theih na atana hmalak anih thu a sawi.
He Learning Enhancement Programme hian SDEO(Aizawl West) huam chhunga Sawrkar zirna in hrang hranga Mizo, English, leh Nepali Medium Primary leh Middle School chin a huam ang a, zirna rualkhai taka kalpui anih theih nan Syllabus mila siam lehkhazir dan inangtlang buatsaih a ni a, Time Table leh exam zawhnate pawh inangtlang veka siam tura hma lak a ni bawk a, he programme hi kumin Sikul kum chhung a Second Term atanga kalpui tur a ni a, a hlawhtlin dan azirin hmun dangah pawh kalpui zel theih tura ruahmanna siam a ni.
He inkhawm hi PU K.Riachho Secretary & Director School Education chuan kaihruaiin Right to Education tihhlawhtlinna peng pawimawh tak a nih thu a sawi a, Pu Lalhmachhuana SDEO (Aizawl West), he programme hnarkaitu ni bawk chuan report pe in, an thil tum ber chu naupangten an hmalam hun lo kal zel tura harsatna leh chona hrang hrangte hlawhtling taka an hmachhawn theihna tura lo buatsaih anih thute leh Zokhaw School leh khawpui school ten zirna tha inangtlang tak an kalpui theih na atana hmalak anih thu a sawi.
He Learning Enhancement Programme hian SDEO(Aizawl West) huam chhunga Sawrkar zirna in hrang hranga Mizo, English, leh Nepali Medium Primary leh Middle School chin a huam ang a, zirna rualkhai taka kalpui anih theih nan Syllabus mila siam lehkhazir dan inangtlang buatsaih a ni a, Time Table leh exam zawhnate pawh inangtlang veka siam tura hma lak a ni bawk a, he programme hi kumin Sikul kum chhung a Second Term atanga kalpui tur a ni a, a hlawhtlin dan azirin hmun dangah pawh kalpui zel theih tura ruahmanna siam a ni.
