Pu P.C. Lalthanliana, Lunglei North bialtu MLA leh Minister of State nibawk chuan vawiin zing dar 10:00 khan Pangzawl Group YMA Conference a hmanpui.
Minister chuan thu sawiin a bial mipuite duhsakna a zarah MLA a thlan tlin a nih avang leh Chief Minister Pu Lal Thanhawla duhsakna avanga Minister of State hial anih avangin lawmthu a sawi a. Hun lokal zel turah pawh amah tanpuia tawiawm zel turin mipui kalkhawmte chu a ngen a ni. YMA hi kristian nunze mawi kengtu leh Mizo min ti Mizo tu a ni a, mitinte he pawlah hian tangruala thawkho zel tur leh sorkar tanpuitu pawimawh tak ni zel turin a chah bawk.
A sawizelna ah YMA chu kan taima tur a ni a, kan intodelh tur a ni a, midangte tan malsawmna kan ni tur a ni, a ti. Tun sorkar thar lo piang hi mipui sorkar, sorkar tha, sorkar changtlung, eirukna laka inthiar fihlim a ni dawn a ni, a ti.
Pangzawl Group YMA hian MLA a thlan tlin anih avanga lawmpuinan thuziak mawi tak an hlan a ni.
Pangzawl Group YMA hian an bialchhung Rawpui khua in India rampum huapa khawfai leh thianghlim an nihna lawmpui nan Rawpui YMA hnenah thuziak mawi tak an hlan bawk.
Minister hi vawiin tlai-ah Pangzawl chhuahsanin Rawpuiah a riak dawn a ni.
A sawizelna ah YMA chu kan taima tur a ni a, kan intodelh tur a ni a, midangte tan malsawmna kan ni tur a ni, a ti. Tun sorkar thar lo piang hi mipui sorkar, sorkar tha, sorkar changtlung, eirukna laka inthiar fihlim a ni dawn a ni, a ti.
Pangzawl Group YMA hian MLA a thlan tlin anih avanga lawmpuinan thuziak mawi tak an hlan a ni.
Pangzawl Group YMA hian an bialchhung Rawpui khua in India rampum huapa khawfai leh thianghlim an nihna lawmpui nan Rawpui YMA hnenah thuziak mawi tak an hlan bawk.
Minister hi vawiin tlai-ah Pangzawl chhuahsanin Rawpuiah a riak dawn a ni.
