Vawiin khan Kawrtethawveng YMA Platinum Jubillee ah Environment & Forest Minister Pu Lalrinmawia Ralte chuan Jubillee Pa niin a hmanpui a, Pu H. Lalengmawia, District Bawrhsap, Kolasib chuan khualzahawm niin a hmanpui bawk.
He hun hmanpui tu Jubillee Pa Pu Lalrinmawia chuan kan sap missionary tena an lo sawhphun mizo zawng zawngte min huap zo pawl hlu tak mai YMA hi kan hman rohlu a ni a ti, YMA member chu tlawmngaihna, nundan mawi leh kawng hrang hrang pawha entawn tlak a ni tur a ni tiin Mizoram pum ang pawha Branch 20 emaw vel chauhin Platinum Jubillee an la thlen laia, hun harsa leh hreawm tam tak kara Kawrtethawveng YMA nung taka lo hruaitu, hruaitute fakin he hun hmu phalova mualliam ta te chu rilru in a hrereng a ni a ti. Minister chuan YMA member te chu YMA in ngahna leh thiltum te hrerenga nundan phung dik zawh hram hram tur leh tunalaia thalaiten a kan buaipui em em mai social media hmangthiam turin a chah a ni.
Minister Pu Lalrinmawia Ralte chuan Sorkarin hmasawnna hna a thawh hrang hrangte tarlangin a bik takin khawthlang lam chu kawngpui tha zawk leh zau zawk kan neih theihna turin a laihna thawh mek a ni a, chu chuan kan kawngpui hman mek te pawh kal a ti harsa a, amaherawhchu hei hian kawngthar tha zawk kan neih na tur a ni dawn a vangin chhel taka nghak hram hram turin kalkhawm mipuite a sawm a ni. Hmasawnna hna sorkarin a thawhna ah harsatna siamtu nilova thawhpuitu ni turin kalkhawm mipuite bawk a ni.
Khualzahawm nia Jubillee hmanpuitu Pu H. Lalengmawia chuan hruaitu hmasa rambuai, thimchhah lai ber pawh a YMA meichher mit lova chawinungtute chu fakawm a tihthu leh chawimawi phu an nih zia sawiin, thawhrimna leh nawmsakna hi hreawm tuar hmasak loh chuan neih theih a nilova, kan thiltihna kawng engkima taima taka ti thin turin leh simthatna tura rawtna nei chuang silova vui vaina thinlung in thalaite min chim mek lai hian YMA member te chu he mi laka fihlim turin a chah a ni.
Kawrtethawveng YMA hi kum 1941 ah din niin member 1000 chuang an awm mek a, Tunah hian YMA Branch pahnih North leh South Branch ah then niin Joint YMA in a khaikhawm a ni.
Khuallian Pu Lalrinmawia chuan tukin zing dar 7:30 khan Jubillee lungphun Sub Commiittee ten an buatsaih chu a hawng a, Jubillee zaipawl ngaihthlak a ni bawk.
Kawrtethawveng YMA Diamond Jubillee lawmna vantlang inkhawm Tennis Court a neih hi Pu Lalrinsanga Jt YMA President chuan a kaihruai a, Hun tan nan Kawrtethawveng YMA din tute zinga la dam awm chhun Pu Rengzikan hma hruaiin hruaitu hlui te leh tun meka hruaitu ten Jubillee lawmna darkhuang vawi 75 an vua a,,tun thlenga YMA dintute zinga la dam awmchhun Pu Rengzika chawimawina hun neih a niin, Jubillee zaipawl leh hnam lam chi hrang hrang te leh zaithiam tak tak te nen hun hman a ni a, YMA Section hrang hrang a section fai lawmmn semna neih nghal a ni bawk. Jubillee lawmna a tan hian Dt 11/6/2016 khan Mamit District Hospital a hman turin thisen 32 units an lo pe tawh bawk a ni. Jubillee lawmna pual hian ni 14.6.2016 zan atang khan hun hman tan niin zanin thleng a awh ang.
Envinronment & Forest Minister hian Kawrtethawveng Area huam chhungah Nungcha humhalh a puang nghal bawk
Minister hi a nupui Pi Lalthanzami leh Pu K. Lalsawmvela, PWD Chief Engineer (Road), Pu Sangdingliana Registrar, Cooperation te bakah Aizawl leh Mamit tangin Official ten an tawiawm a ni.
Pu Lalrinmawia Ralte Envinronment & Forest Minister hian naktuk hian a bialchhung a kawnglaih hna thawh kal lai mek KDZKT(Khedachera Damchera Zamuang Kawrthah Tuilut) Road chu a hmunah a tlawh bawk ang.
