Nimin June 14 2016 khan Pu Hmingdailova Khiangte, Parliamentary Secretary chuan Mission Development Training Centre, Bualpui a mi chu a tlawh a. He training centre hi SYNOD Mission Board hnuaia din a ni a, Rampawn lama missionery te leh ringthar ten an rawngbawlna kawnga hmasawnna leh an dinhmun a lo ngelngheh zel theih na atana thiam zirna hmun tangkai tak a ni a. He Centre ah hian Synod hnuaia thawktu chhungkua 12 lai awmin Horticulture, Agriculture, Carpentary leh Vety lam training na te chu an enkawl a ni.

Pu Hmingdailova chuan he centre a tlawh chhan sawiin an hna thawh dan leh training an kalpui dan te chu a zawt fiah a, an hnathawh chu thil tangkai tak, rawngbawltu chher chhuah na pawimawh tak a nih thu sawi in a fak a, zauzawk a mipui hnenah pawh puanzar theih nise a duh thu a sawi. Pu Hmingdailova chuan zirna school tha tak he lai hmuna a lo awm chu SYNOD rawngbawlna mai ni lovin Bualpui khua leh a chheh vel khua te tan pawh tangkai leh tanpuitu an nih avangin lawmawm a ti a. Centre enkawl tura SYNOD in mi thiam tak tak a dah te chu khawtlang tan pawh a an thiamna chu hmang zel turin a ngen a, midangte tana malsawmna ni zel turin a chah a ni.

MDTC Director Pu Lalzawmliana chuan an hnathawh dan kalhmang sawifiahna nei in Centre ah hian season hnih a training hi neih a nih thu sawi in, January to June season leh July to December season ah te training hun hi hman a ni.