Dawrpui Multipurpose Centre sak mek chu tukin zing khan Finance Minister Pu Lalsawta, Dawrpui bialtu MLA leh Sports Minister Pu Zodintluanga te chuan tlawhin hnathawh dan te an en. Anni hi khawtlang hruaitute leh vengchhung tlawmngai pawl hrang hrang hruaituten an tawiawm a ni.

Non-Lapsable Central Pool of Resources (NLCPR)-in cheng vbc 11 chuang sum a sanction atanga sak mek Multi-Purpose Centre, Multi Level Car Parking Community Centre tih bawk chu tun dinhmunah 76% sak zawh tawh a ni a. Minister Pu Zodintluanga chuan Multi Purpose Building chu Dawrpui veng tan chauh nilovin Mizoram mipui tam tak pawhin an la chhawr tangkai tur thu a sawi a ni. He Multipurpose Centre hi 27.7.2015 khan sak tan niin, chhawng li a sak a ni a. Motor parking chhawng hnih, committee room, Auditorium leh ruang dahna tur room te awm tura ruahman a ni.