Nimin dar 6:00 PM khan Social Welfare Minister PC Lalthanliana chuan 11 Even Sports national Ranking (EZ) TT Championship-2016, R.Dengthuama Indoor Stadium, Mualpuia neih ah Medal dawng te hnenah lawmman a sem.
Inelna hi Category hrang hrang Junior Girls & Boys Singles, Youth Girls & Boys Singles, Women’s and Men’s Singles ah te neih niin 1st,2nd leh 3rd Position te hnenah theuh Trophy leh pawisafai sem a ni. Lawmman semna hun hi Table Tennis Federation of India(TTFI) atangin DD Basu, Vice President TTFI, A.K. Banerjee, Vice President TTFI leh Dhanraj Choudhary Secretary General, TTFI ten an hmanpui a ni.
November ni 14 atanga khelh tan Table Tennis federation of India (East Zone) in a a buatsaih inelnaah hian India ram state hrang hrang atang leh Sports Promotion Board hrang hrang atangin Table Tennis khel thiam thahnem tak an fuankhawm a, vawiin khan Category hrang hrangah Final khelh a ni a.
He inelna a Champion te hian Trophy leh pawisa fai bakah National ranking ah Point 90 theuh an hlawh chhuak dawn a ni.
Category hrang hranga Champion te chu a hnuaia tarlan ang hi an ni.
Junior Girls Singles - Siva Shankar Yashini (Tamil Nadu)
Junior Boys Singles - Thakkar Manav (Petroleum Sports Promotion Board)
Youth Girls Singles - Moumitta Datta (West Bengal)
Youth Boys Singles - Thakkar Manav (Petroleum Sports Promotion Board)
Women’s Singles - Patkar Madhurika (Petroleum Sports Promotion Board)
Men’s Singles - A. Amalraj (Petroleum Sports Promotion Board)
