Nimin khan Social Welfare Minister Pu P.C.Lalthanliana chuan Kawmzawl-a 'Laldenga Park' leh BCM rama Tribal Girls' Hostel sak mek a tlawh.

Minister Pu P.C.Lalthanliana chuan Laldenga Park panna kawng zauh nan BCM-in ram 171 mts. a thui leh 1 mt. a zau chu mipui vantlanga tan rawngbawlna ngaiin an pek chu a lawmawm takzet a, kawng siam hna/black topping pawh February thla chawhnu laah thawh tan theih beisei a ni, a ti. Pu P.C. Lalthanliana chuan HATIM rama Cheng nuai 365 senga sak mek Tribal Girls' Hostel tlawh lehin hna kalpui mek dan a enfiah a ni. Minister hi Lunglei DLAO Pu Lalchawimawia Parte, BCM kohhran hruaituten an tawiawm a ni.