2315/2026-2027

Dated:Aizawl the 23rd of September,2026: Vawiin khan Pi Lalrinpuii, Minister, Health & Family Welfare Department chuan CYMA Hall, Tuikhuahtlang-ah 11th Ayurveda Day 2026 chu Khual Lian niin lawmna hun a hmanpui.

Minister chuan kan nunphung inthlak danglam vangin Non-Communicable Diseases- zunthlum, thisen sang, cancer leh lung lam natna hluar tual tuala, heng natna chona kawngah Ayurveda thuken—natna laka inven hmasakna (prevention), taksa, rilru leh leilung inrem taka nunho theih hi a chhanna pawimawh tak a ni a ti a,kumin thupui, "Ayurveda for a healthier tomorrow" (Hma hun hrisel zawk atan Ayurveda) chu kan tunlai khawvel nen pawh a inmil hle a ni a ti bawk.

Pi Lalrinpuii chuan Sawrkar Laipui leh Mizoram Sawrkar, Health & Family Welfare Department chuan mipuite hriselna chawikan chu kan ngaih pawimawh ber te zinga a mi a ni a,National Ayush Mission kaltlangin Mizoram-ah Ayush Health and Wellness Centre-te dinin hma lak zel a ni a, mi tin banphaka Ayush doctor an awm ta te hi hriselna kawnga kan ram hmasawnna a ni zel a ni a ti. Minister chuan health care delivery-ah modern medicine chauh rinchhan loin, kan hnam zia leh kan ram leilung nena inrem Ayurveda leh AYUSH system-te hi theih tawpa chhawm nun leh chawikan zel kan tum tlat a ni a ti bawk.

Vawiin hunah hian Ayurvedic Pharmacovigilance (damdawi khuahkhirh leh dik taka hmanna) chunchang sawizauna (awareness) neih a ni bawk a. Minister chuan Pharmacovigilance chu a pawimawh tak zet tiin Ayurveda damdawi kan hmanin a dik,a him, leh a tha ber chauh mipuite hnen a thlen theih nan kan AYUSH doctor leh health worker-te hian mawhphurhna lian tak an nei a, mipuite rintlaka kalpui zel a tul a ni a ti. Mizoram chu ramhmul damdawiah kan hausa hle a, thil thar rinchhan lutuk lova hriselna tluantling kan neih theih nan Ayurveda zirtirna hi nitin nunah seng luh theuh tum turin a sawm.

Vawiin hunah hian Dr.S.Mara Thansiami, Mission Director, NAM & Joint Director, Directorate of Ayush chuan in lawmna thu a sawia,Dina charya (Healthy Daily Regimen) chungchang a lem nen(visual presentation) thlirho a ni bawk.

Kumin 11th Ayurveda Day thupui(theme) “Ayurveda for a healthier tomorrow” hmangin thu ngaihthlak niin Ayurvedic Pharmacovigilance chungchang awareness neih a ni bawk.