1900/2025-2026

Champhai, dated 14th October 2025: RD & Admin. Minister Prof. Lalnilawma chuan tukin khan Pinehill Adventist Academy a kawng siam a endik a, Project Director James Lalnithanga leh Champhai BDO Vanlalnunpuii Ralte te'n an tawiawm.

Minister Prof. Lalnilawma chuan hna tha taka thawh a nih mai bakah kawng tha tak siam a nih theih avangin lawmthu a sawi a, sikul naupangte tana malsawmna a nih ngei a beisei thu a sawi. Hna la bang pawh tha taka thawk turin hotute a fuih a, theih ang angin tanpui a tum zel thu a sawi bawk a ni.

He kawng hi MGNREGS (ni 100 inhlawh) hnuaia Material Component atanga sak a ni a, metre 400 siam zawh tawh niin metre 350 sak tur a la bang a ni.