1203/2023-2024

July ni 20, 2023: Vawiin khan Agriculture Dept Minister Pu C. Lalrinsanga chuan Electric Veng YMA Hall-a Govt. Johnson College Graduation-cum-Freshers' Social programme buatsaih chu khuallian niin a hmanpui.

Minister chuan zirlaite chu mite tih ang ti ve thei a, an thiam ang te thiam ve turin theihtawp chhuah a inbuatsaih turin a fuih a. Zirtirtu thahnemngai tak tak an neih avanga an vanneih thu leh, chu an vanneihna chu hmang tangkai turin leh dinhmun sang zawka inhlangkai thei an nih zia hre turin a chah a. Tha thlah lova an beih erawh a tul thu a sawi. Khuallian chuan Kristian kan ni a, zirna hlawhtlin piahlamah kan thiamna te Pathian tan tangkaiah i hmang ang u tiin ram siamthat kawnga thalaite an pawimawh thu a sawi a. Mizoram ti Mizoram tu chu a chhunga chengte hi kan ni tiin zirlaite chu ram hmangaihna rilru nen chuan hmasawnna pawh a ngelngheh thu a sawi.

He hunah hian college Principal Prof K. Vanlalmawia pawhin thu a sawi a ni. Govt. Johnson College ah hian zirlai 945 vel an awm mek a ni.