3179/2022-2023

Lunglei the 5th January, 2023: Vawiin chawhnu khan Agriculture,I&WR & Cooperation Minister Pu C.Lalrinsanga chuan a bial Buarpui khuaa Helicopter Tum hmun tur Helipad thar a hawng.

A hawnna inkhawm tawi buatsaihah Minister Pu C.Lalrinsanga chuan Buarpui khuain Helipad thar annei ta chu a lawmpui thu sawiin,Khawtlang tan Ni chhinchhiah tlak,Hmasawnna mellung pawimawh tak ani a ti a.Helicopter hi mipui nawl puiin hmang chur chur kher lo mah ila, damloh nikhua te, Official thil pawimawh ah leh rikrum thilah te a tangkai em em a.Buarpui khawtlang mai bakah a khaw chhevel khua ten tangkai taka hmang turin ka duhsak che u a.Khawtlang hmasawnna atana Sorkar hmalakna leh  bungruate mahni ta anga ena dimdawi thiam turin Buarpui khawtlang mipuite ka chah duh bawk che u a ni a ti.

Buarpui Helipad hi MLA Fund atanga siam a ni a. A hawnna neih dawnah hian Mizoram-a service mek Pawan Hans Helicopter hi Helipad-ah hian Minister hi a tawiawmtute phurin a rawn tum a. Buarpui khawtlang mipui thanem takin an lo hmuak a ni. Pawan Hans Helicopter hian Lengpui Helipad atanga Buarpui thlen nan hian 18 Minute vel hun a hmang a ni.

Minister hi Dr SR.Ngurchamliana, Medical Superintendent,Lunglei bakah Pu Lalropuia Pachuau, Member, Agriculture Development Board ten an tawiawm a ni.