3178/2022-2023

Aizawl, the 5th January 2023 : Ni thum châm tûra Mizoram rawn tlawh mêk Pu SK Dev Verman, IAS, Secretary, National Commission for Minorities (NCM), Govt. of India chuan vawiin khan Secretariat Conference Hall-ah Mizoram Sawrkar officers-te meeting a neihpui.

Meeting hi District Council & Minority Affairs (DC&MA) Department ruahmannaa neih niin Mizoram chhûnga Minorities (hnam hnufual leh sakhaw hran zuitu mi tlêm zâwkte) hmasawnna tûra Sawrkâr hmalâkna leh chhawmdawlna chungchâng sawiho a ni. Powerpoint presentation hmanga Mizoram Sawrkar hmalakna tarlan a ni bawk a ni.

Secretary NCM hova Meeting neihah hian Dr. Lalrozama, IAS, Secretary, DC&MA,  DC, Aizawl leh SP, Aizawl bâkah Minorities-te hmasawnna ngaihtuahtu Department Officers eng emawzât an tel a ni.