No.7282/2020-2021

Vawiin khan Co-operation Minister Pu C.Lalrinsanga’n Mizoram Co-operative Apex Bank (MCAB) Mobile ATM Van vailiamna MCAB Head Office, Tuikual-ah a nei. Hemi puala inkhawmna hi Pi T.Lalmuanpuii, Apex Bank Chairman in a kaihruai a ni.

Minister Pu C.Lalrinsanga chuan thu sawiin Mizorama a hmasa ber atan MCAB  Mobile ATM Van pahnih vai liam a ni chu lawmawm a ti a, Mizoram chhunga Primary Agriculture Credits Society (PACS) tana nasa taka thawk thin MCAP chu Scheduled Bank ni turin NPA 5% pelh ngaiah NPA 3.61%  dinhmunah ding mekin, Bank tha tehna CRAR (Capital Risk Assets Ratio) 16% neiin, Cash Deposit Ratio 62% a ni tiin a sawi a. Loan pekchhuahah MCAP chuan a ti tha hle a, kum 2 chhungin profit turn over chu 9.24% atangin 12.62% ah a chho a ni, a ti a. Financial Inclusion tih hlawhtlin a nih theih nana NABARD in 75% tuma MCAP kaltlanga Mobile ATM Van chuan bank neilo khuaah te pawisa leng vakin awmzia a neih a rin thu a sawi a, sawrkar hmalak mekna Aizawl khawpuia supply fruit, vegetables and livestock market chain kalpui tur atan pawh Mobile ATM Van hi a pawimawh dawn a ni tiin a sawi.

Mobile ATM Van hi bank leh ATM awm lohna hmuna chengten ATM hmanga Bank Service an chhawr ve theihna tura Apex Bank leh NABARD thawh hona a neih a ni a, he Mobile ATM pahnih hi Aizawl leh Lunglei District tana duan hmasak a ni a, a hlawhtlin dan a zirin NABARD chuan sponspor belh zel a in huam a ni. Mobile ATM hi Mahindra Bolero-a vuah niin, Apex Bank Account bakah bank danga account neite pawhin pawisa an la chhuak thei dawn a ni.