1956/2024-2025

7.9.2024: New Delhi a cham mek P&E Minister Pu F Rodingliana chuan Union Power Minister Pu Manoharlal Khattar, New & Renewable Minister Pu Pralhad Venkatesh Joshi bakah Food Processing Industries Minister Pu Chirag Kumar Paswan te hmu in Mizoram mamawh hrang hrangte a sawipui.

Union Power Minister Pu Manohar Lal Khatta nen an inkawmnaah Pu F. Rodingliana hian Mizoram Sorkar in kum thum hmalama Project an lo thehluh tawh, kawlphetha pek chhuahna transmission line leh power sub-station tih changtlungna tur Central Ministry in a approve tawh, bawhzui lova a awm avanga fund la release loh te thlenin Union Power Minister hian heng sumte hi an pekchhuah tur thu a lo hrilh a. Ministry of Power in Hydel Project lian tham siamna tur scheme thar a duan chu chhawr tangkai turin central PSU te nen thawkho a, Project thehlut vat turin Union Power Minister hian a lo hrilh bawk a ni.

Pu Pralhad Joshi, MNRE Minister nen an inkawmnaah Pu F Rodingliana hian kawlphetha hmanga intodelh chu Mizoram Sorkar policy lian ber anih avangin hydel project siam tur, Mizoram Sorkar in a buaipui mekte MNRE hnuaia scheme hmanga tihpuitlinsak turin Union Minister hi a ngen a, Pu Pralhad Joshi hian heng small hydel project te tihlawhtling tur hian MNRE in a puih tur thu a lo hrilh a ni.

Commerce & Industry Minister nibawk Pu F. Rodingliana hian Food Processing Minister Pu Chirag Kumar Paswan pawh a chenna inah hmu in, Mizoram food processing industry te ti liana a, ti changtlung turin hma lakpui turin a ngen a. A bikin Mizorama thlai tha em em leh hnianghnar tak - sawhthing, aieng leh hmarcha sawngbawlna kawngah Food Processing Industries Ministry puihna ngenin, Union Minister hian project engemawzat siam a thehlut tura chahin, a lo bawhzui tur thu Mizoram C&I Minister hi a lo hrilh a ni.

NEW Delhi a cham chhung hian Pu F. Rodingliana hian Department of Economic Affairs, Asian Development Bank bakah C&I leh Power sector hnuaia Ministry hrang hrang official liante hmu bawk in, Mizoram sorkar hmalakna kal mekte bawhzuiin chak zawka tihpuitlin a nih theih nan a nawr nghal a ni.