Commerce & Industries Minister Pu H.Rohluna chuan vawiin chawhnu khan Pu Atanu Chakraborty, Director General of Hydrocarbons chu Noida-a a office-ah hmuin, Mizoram chhimlam block-a Gas leh Oil zawngtu tur company tih fel thuai a tul this a sawipui.

Minister Pu H. Rohluna chuan Mizoram Sorkarin clearance tul zawng zawng a tih fel hnu kum khat leh a chanve ah pawh Mizoram chhimlama Gas leh Oil zawngtu tur tih fel a la ni lo chu pawi a tih thu Director General of Hydrocarbons hi a hrilh a. Rang taka hma lak sak turin a ngen a ni. Pu Chakraborty chuan policy thar, "Hydrocarbon Exploration Licensing Policy" hnuaia Open Acreage Licensing Programme hmangin hma lak nghal a nih tur thu Pu H. Rohluna hi lo hrilh in, Oil India Ltd. Director of Explorations chu Expression of Interest (EOI) a hnena thehlut vat turin a hriattir nghal bawk a ni.