Vawiin khan Guwahati a cham mek, Food Civil Supplies & Consumer Affairs, Transport, etc. Minister Pu John Rotluangliana chuan Guwahati Mizoram House-ah North East Intergrated State Office (NEISO), Indian Oil Corporation Ltd. General Manager, Pu Deepankar Roy, leh Chief Retail Sales Manager leh Dy. General Manger, LPG te a kawm.

Pu John Rotluangliana chuan NEISO Scheme hnuaia hnam hnuaihnung zawkte chawikanna tur Corporate Social Responsibility Scheme (CSR) atanga Girls Hostel, Community Hall leh Primary School sakna tur programme a sawipui a. A enfiah turin Mizoramah NEISO atangin official te karleh hian rawn tirh nise, a ti bawk. Mizorama Petrol Pump tam zawk dah belh theih nise ti a Minister-in rawtna a thlen pawh a rang thei ang bera tihlawhtling tura hmalak an tum thu IOC hotute hian lo hrilhin, Petrol pump bunna tur pawh hmun engemawzat vawiin hian ngaihtuah nghal a ni a. Remchang hmasa berah a hmun ngeiah Officer rawn tirh nise an ti bawk.