FCS&CA Minister leh Kolasib bialtu MLA ni bawk Pu K. Lalrinliana chuan vawiin khan kolasib I-DAY football tournament kharna chu khuallian niin a hmanpui.

Minister chuan Mizoram Sawrkar in Kolasib District ti hmasawn turin kawng hrang hrangin hma a la mek tih sawiin Sports Discipline hrang hranga training theihna tur SAI Centre chu kolasib Saidan ah ruahman mek ani a, hostel naupang 100 awm theihna tur niin infiammi te tan training na tur hmun changtlung tak a nih tur thu a tarlang a ni. Hemi bakah hian tumpui field leh Diakkawn field te thawmtha turin hmalakna a kal chho dawn a, infiamna kawnga hmasawnna tura Sawrkar hmalakna te chu infiammi ten a rah an seng theuh theihnan taimakna leh mahni inthununna nen infiamna kawng zawh turin a chah  a ni.

Kolasib I-DAY football tournament ah hian first division club pariat inel in Kolasib FC leh Tumpui FC ten final an khel a, hun pangai ah si khat ve ve a inhneh tawkin, hun pekbelh ah Tumpui FC in goal khat thun belhin an champion a ni.