Vawiin chawhma khan Pu K Lalrinliana, Minister, FCS&CA Department leh Kolasib AC bialtu MLA ni bawk chuan Ni 5, February 2020 a Pu Tuikurliana leh Pu Surendro, Meidum Khuaa in kang tuar te a tlawh a, Project Veng Kolasiba khawtlang tih hmasawn nana hmalakna kal mek te a hmunah a tlawh bawk.

MLA Pu K. Lalrinliana chuan kangmei tuar chhungkua te thlamuan a an mamawh te phuhruk a nih theih nan a hmun ah kalin Rangva bundle 10 leh hnatlang thingpui in nan cheng 10000/- a pe a, Sawrkar amanga manpuina awm thei ang ang te rang tak a ngaihtuah sak an nih tur thu a sawi bawk a ni.

Inkang tuarte a tlawh zawh hian Pu K Lalrinliana chuan Project Veng a Community Hall sak lai tlawhin, a pawhna tur kawng zau zawk siam dan tur te, motor hunna tur hmun leh vantlang zunin sakna tur te en ho a ni a, DRDA Kolasib hmalaknaa Cheng Nuai 15 a bultan, Project Veng a Multipurpose Indoor Stadium, infiamna chi hrang engemawzat leh khawtlang hun pawimawh a, a tul anga hman theih tur a ruahman tlawh bawkin, thawktute nen hna kalpui chhunzawm zel dan tur uluk takin an sawiho bawk a ni. Govt. Kolasib high School, Project Veng leh Supply Godown inpawhna kawng, MGNREGA road chu motor tlan thei turin changtlung zawk a thawmthat dan tur, khawtlang hrauitute nen a hmunah en a sawi ho a ni bawk.

Vawiin Project veng, Kolasiba khawtlang tih hmasawn nana hmalakna hrang hrang endikna ah hian Minister hi Pu Benjamin Lalzama, Project Director, DRDA, Kolasib, Pu ST Lalhmingmawia, DLAO, Pu Hmingthanzuala, DIPRO leh Project Veng khawtlang hruaitu thahnem tak ten an telpui a ni.