FCS&CA Minister leh Kolasib bialtu MLA Pu K Lalrinliana chuan vawiin khan Indian National Hockey Player Lalremsiami chu a Pa Pu Lalthansanga Zote in a boral san tak avangin, a ralna hun a hmang.

Lalremsiami Pa Pu Lalthansanga Zote chu June ni 21 khan lung lam natna avangin chatuan Ram a pan a, ralna sum fai chu Lalremsiami Nu Pi Lalzarmawii kutah Minister hian a hlan a ni.

Minister Pu K Lalrinliana chuan Lalremsiami te chhungkaw chan na chu a tawrhpui thu sawiin Mihring leh engkim chunga Roreltu Pathian a awm a, a remruatna na ah vui mai loa kan pawm thiam a pawimawh hle ani tiin Remsiami pawh mizoram mai nilo India Ram ti hmingthatu a nihna angin harsatna a tawh chu chhel taka hmachhawn in Pathian tih chunga mahni nun vawng uluk chhunzawm zela, tha thlah miah lova thawkrim zelin kal se a duhsak thu sawiin hnam dang te lakah a huaisen zia hi pholang zel se tha a tih thu tarlangin Pathian in a kalsan dawn loa, tanpui a ngaihna laiah khawtlang leh Sawrkar an awm ani tiin thlaphang loa hmalam pan zel turin Remsiami leh a chhungte a chah bawk a ni.

Minister chuan Sawrkar rem tihpuina in Remsiami chu inhmun pek anih tur thu a tarlang a, hei hi remchang hmasa berah enfel tur a nih thu sawiin Sports Minister Pu Robert Romawia Royte pawhin a ngaihven thu tarlangin kar thar ah Sawrkar anga an Ral tur thu a sawi bawk.

Lalremsiami hian pianpui unau pasarih a nei a, an unau hi hmeichhia paruk leh mipa pahnih niin tunah hian a Nu hoin kolasib College veng ah an khawsa mek a ni.