No.6631/2020-2021

Kolasib 21st November 2020: Nimin khan DC Conference Hall, Kolasibah Food, Civil Supplies and Consumer Affairs Department Minister leh bialtu MLA ni bawk, Pu K.Lalrinliana kaihruaina hnuaiah Kolasib Town Planning and Development Committee te chuan thutkhawmna an nei a, Kolasib Master Plan ennawn lehna te, thutkhawmna hmasa a hmalak dan tur lo rel tawhte bawhzui a nih dante leh kalpui chhunzawm dan turte, Khuangpuilam Sector 2 atan a plan siam belhte leh Four-lane kalna tur lam a Truck Terminal awmna hmun tur te sawiho a ni.

Thutkhawmna chuan Khuangpuilam sector 1 a hmalakna tur hrang hrang duan lawk sa bakah Four-lane paltlangna tur hnaih lam a ruahmanna siam belh tha an ti a, Khuangpuilam Sector 2 atan plan siam belh nise tih rel a ni bawk. Geology and Mineral Resources leh Disaster Management & Rehabilitation department, Kolasib te chu Four-lane kalna tur hmunhma leilung him leh him loh thlithlai a zirchianna nei tur a ruat an ni a, Industrial area atan hmun ualau tak ruahman tur a tih a ni.

Vawiin thutkhawmnaah hian Pu Lallawmawma, Addl. DC, Kolasib, Er. Albert Vanlalliantluanga, Member Secretary, Kolasib Town Planning and Development Committee, Department hrang hranga thawktute leh khawtlang hruaitute he thutkhawmnaah hian an tel a ni.