3898/2022-2023
Kolasib dated 20th March 2023: Vawiin chawhnu khan DC Circuit House, Kolasibah Pu K.Lalrinliana, Minister, FCS&CA, LAD leh Fisheries Department changtu chuan Kolasib district chhung a hmasawnna hna thawktu office hrang hrang hotute a kawm a.

Vawiin țhutkhawmna ah hian PWD, Kolasib Division leh Highway Division hnuai a hmalak tawh dan leh hmachhawp hrang hrang sawi ho a ni a. Tlawng lui ina Bairabi ram a lak hek zel venna tur Tlawng River Training Works thawh mek thlirletna leh Special Assistance to States for Capital Investment Scheme hnuai a hmalak dan tur te sawi a ni. Power & Electricity Department hnuai a Bawktlang leh Project veng Sub-station panna kawng thawmțhat dan tur leh hmun li a kawphetha thlunzawm belhna tur a ruahmanna awm te sawi a ni. Bairabia Supply Godown thar sakna tur te, PHE Department hnuai a Atal Mission for Rejuvenation and Urban Transformation leh Jal Jeevan Mission kaltlanga hmalaknate sawi a ni a. Huan, lo, ram neituten hma chak zawka an lak theih nan eng thlunzawm dan tur leh Koalsib district chhung a buhfai țhahnem zawk tharchhuah a nih theih nana hmalak dan turte sawi ho a ni bawk.