3897/2022-2023

Aizawl, 20th March, 2023 : Government of Sikkim atangin ILP Committee member mi pali (4) ten Mizoram Inner Line Permit kalphung leh dinhmun zirchiang turin vawiin khan Aizawl an rawn thleng a. Commissioner & Secretary, Home Department in lo dawngsawng in, a office chamber ah meeting a neihpui a. Meeting ah hian Home Department officer te leh Aizawl DC aiawh te an tel a ni.

Sikkim atanga rawn kalte hian Sikkim ah tualchhung mi nilo, eizawnna leh thil dang hrang hrang avanga lut an thathnem avanga tualchhung mipuiten harsatna an tawk mek tih sawiin, an harsatna tawh chi hrang hrang te meetingah hian an tarlang a, heng harsatna sukiang tur hian pawn lam mi Sikkima lut tur te zawm tur dan (regulation) siam an duh thu sawi langin, heng avang hian State hrang hrang zirchianna an nei a, Manipur Sawrkar hmalakna an zirchian hnuah Mizoram a ILP kalphung, hman a nih tan dan leh kalpui mek dan te an rawn zirchiang a, Mizor sawrkar officialte nen sawihona zau takin an nei a ni.

Sikkim sawrkar atanga ILP Committee member rawn kal te:
1. Shri Tshewang Gyachho, IAS, Secretary, Health &Family Welfare.
2. Smt Tashi Cho Cho, Home Secretary.
3. Smt Sarala Rai, Rtd IAS
4. Shri Passang Gayli Sherpa, representative of Civil Society

Sikkim sawrkar hnuaia ILP Committee memberte hian ILP hmang mek State dang pawh an la zir chhunzawm zel dawn a ni.