3896/2022-2023

Aizawl the 20th March : Vawiin hian World Oral Health Day chu Mizoram hmun hrang hrangah hman a ni a. Mizoram a World Oral Health Day hmanna lian ber DHME, Conference Hall, MINECO a hmanah khuallian  Dr. Z.R.Thiamsanga, MLA,Vice Chairman Health and Family Welfare Board chuan Mizote hi Oral Health lama kan ṭhanharh a ṭul tak zet thute, zuk leh hmuam kan tih nasat avanga natna, a bikin cancer kan vei nasat ziate leh Oral Health inzirtirna kawngah nasa taka tan kan lak thar a ṭul thu a sawi a. Khuallian Dr. ZR. Thiamsanga chuan zuk leh hmuam, ruihtheih thil reng reng, kan ka atanga lut lo tura mitinin kan ka chhung kan vawn thianghlim tul a tih thu a sawi bawk.

Kum 2023 Theme atan:"Be Proud of Your Mouth"(In other words,value and take care of it) tih hman a ni a. He World Oral Health Day, Mizorama hmanna lian ber DHME Auditorium, Aizawla neih hi Dr. Eric Zomawia Director, NHM, Mizoram chuan kaihruaiin, Dr. Thangsailova MDS, Civil Hospital Aizawl chuan ka chhung hrisel pawimawh zia a sawi bawk. He hunah hian Health Department a mi pawimawh tak tak pawh an tel a ni.