3744/2022-2023

Kolasib dated 3rd March 2023: Vawiin khan Țumpui khelmual, Kolasibah 'Zofate inpumkhatna' tih thupui hmang a Chapchar Kut 2023 lawmna hun chu Minister Pu K.Lalrinliana, Kolasib Assembly Constituency bialtu MLA chuan Kut Pa niin a hmanpui a. Pu John LT Sanga, Deputy Commissioner chu Kut Thlengtu niin Hailakandi leh Cachar district Deputy Commissioner leh Superintendent of Police-te chu sawm bik niin an tel bawk a ni.

Kut Pa Pu K.Lalrinliana, Minister, Food, Civil Supplies & Consumer Affairs Department chuan Chapchar Kut hman țhin a nih dan te sawiin Kut hmanna chu hnam ziarang leh kalphungte humhalhna kawnga thil pawimawh tak a nih thu a sawi a. Hnam ziarang leh thuam humhalh bak ah khawtlang nuam siam nana mizo nun ze mawi tlawmngaihna te, aia upa zahna te, țanpui ngaite țanpui duhna thinlungte chawi nun leh tihpunna hun țangkai ah hman a pawimawh thu leh  zofate inpumkhatna hun țha a hmang turin kalkhawmte a chah bawk a ni.

Kut Thlengtu Kolasib DC Pu John LT Sanga chuan zo hnahthlakte chu kan hnam ziarang inan lohna tlem te avanga inla hrang loin kan inanna tam zawk avanga inpumkhat zawk tur kan nih thu te, ramri kan a hnam inpumkhat duhna chuan Mizo hnam chu hnam zahawm leh ropui tak ah a hlankai theih thu a tarlang a. Chapchar Kut hmanna chu hnam ziarang, hnam thuam leh lam te humhalhna hmanraw pawimawh a nih thu Pu John LT Sanga chuan sawiin inunauna țha siam nan leh induhsaktawnna hun a hmang turin kalkhawmte a sawm bawk a ni.

Kolasiba Chapchar Kut 2023 pual a hun hmanna ah hian Pu C.Liankunga, Chairman, Chapchar Kut Working Committee chuan thusawina hun neiin Sub Headquarters YMA, Kolasib district leh Mizo Cultural Organization atangin hnam lam chi hrang hrang entir a ni a. MHIP-ten Parlam entirin MUP-ten hlado entirna hun an hmang a ni. Mizo Zaimi Inzawmkhawm, Kolasib Headquarters atangin zaithiam ten hun an hman bak ah Kolasib district chhung a kum 2020 leh 2023 inkara a mamawhte tan a thisen pe hnem ber mi 3 thlanchhuahte hnen ah chawimawina thuziak hlanna hun hman a ni a. Kolasib District Tug of War Association buatsaihin inhruipawh inelna entir a ni bawk a ni.

Attachment

  • Loading attachment...