3938/2022-2023

Kolasib dated 22nd March 2023: Vawiin chawhnu khan Main Hall, Government Kolasib College-ah Minsiter Pu K.Lalrinliana'n Mizo Department buatsaih 'Awithangpa Chanchin leh a Hla thlir zauna' tih lehkhabu a tlangzarh a. Pu T.Zahmingthanga, Principal chuan kalkhamwte lawmna thu leh Awithangpa chanchin tlangpui tarlanna hun a hmang bawk a ni.

Minister Pu K.Lalrinliana chuan Govt. Kolasib College hnuai a Mizo Department-a thawktute țhahnemngaihna zarah, mizo thu leh hla humhalhna kawng a Kolasib district pa sulhnu ropui tak takte lehkhabu a siam a, tlangzarh thei a buatsaih a ni chu lawmawm a tih thu a sawi a, he hmalakna hian zofate thu leh hla khawvel nasa takin a tih hausak belh ngei a beisei thu a sawi bawk a ni. Pu K.Lalrinliana chuan ram leilung hausakna haichhuak phak thiamna neih tum a, hmathlir thui tak nei chung a zirna kawng zawh turin Govt. Kolasib Collge zirlaite chu a chah a, eizawnna tlak, khawtlang leh ram tan a hmasawnna phurchhuak zo tur thiamna, intodelhna kawnga mi țangkai ni thei tur khawp thiamna nei tur a zirna kawng zawh turin a fuih bawk a ni. World Water Day a nih angin Kolasib mipui tui tlan lai a thianghlim zawk nan leh hnianghnar zawk a awm theih nan thing phun uar te, tui hna humhalhte, ruah tui khawl nachang hriat te leh bawlhhlawh a hmun tak a paih a, faina leh thianghlimna kawng a midangte tan a entawn tlak ni turin zirlaite a chah bawk a ni.