Vawiin khan H&TE Minister Pu R. Romawia chuan IASE lehkhabu leh catalogue tlangzarhna a nei. Tlangzarhna inkhawm hi Aijal Club-ah neih a niin Pu K. Lal Nghinglova IAS, Commissioner, Higher & Technical Education in a kaihruai a.

Pu R. Romawia chuan Mizo hmeichhe chhuanawm tak tak ten kan hnam rohlu tling phak lehkhabu an buatsaih thei chu a lawmawm a tih thu sawiin, IASE hi Mizo mipui tam zawkin kan la hmelhriat lo hle mai a, zirtirtu turte inbuatsaihna hmun anih ang ngeiin zirlai leh zirtirtute pawh an nungchang leh chetziate te fimkhur turin a chah a. Minister chuan zirlaite talent haichhuah kawnga tan an la thin chu lawmawm a tih thu a sawi bawk.

Institute of Advanced Study in Education (IASE) Inauguration hi 27th September, 2011 khan Chief Minister hova neih a ni tawh a. Teacher Education Institute ang chuan kum 1975 atanga ding tawh a ni. IASE anih atanga kum thum (3) chhung hmasawnna tam tak a lo neihte tarlanna hun hman pahin lehkhabu rotling tak tak pathum (3) Release na hun hman a ni. Vawiina lehkhabu Release, Principal leh Faculty ten an buatsaih te chu hengte hi an ni:

1) “A study on the Impact of Education on Maternal care and upbringing of children in Mizo family from a Christian perspective” - IASE Joint Research Work.

2) Education and Emerging Indian Society (Vol. I & II) - Dr. Vanlalhruaii, Principal, IASE

3) Management in Education - Dr. Vanlalhruaii, Principal, IASE