3365/2022-2023

Aizawl 25th January 2023: Vawiin khan Land Resources, Soil & Water Conservation Minister Pu R. Lalzirliana'n Synod Hospital, Durtlang-a Coffee Plantation a hmunah a tlawh a, Synod Hospital Director Dr. Lalthakima chuan Minister hi a office-ah a lo dawngsawng a ni.

Minister Pu R. Lalzirliana chuan kum 2014 vel bawr chho-a Synod Hospital a thawktute leh Department te hmalakna a hospital area a mahni intodelhna rilru pu a Coffee an chin chu lawmawm a ti a. Hospital area a thing hmang tangkai a Coffee kung 3000 vel an phun rah an sawngbawlnan Coffee Plantation Board atanga chah a nih mek thu a sawi a. He khawl hmang hian a rah hi an sawngbawl a, Synod Hospital-a thawktute leh damlo ten tangkai taka an hman turin a chah a. Department lama soil scienstist ten a chinna leilung (soil) pawh test se, lei tha pek dan tur an zirchiang ang a ti a. Synod Hospital thawktute thahnem ngaihna leh thawhhona avanga tui lak a lo ti ta pawh lawmawm a tih thu a sawi a ni.

Synod Hospital Director Dr. Lalthakima pawhin thu sawiin Minister in Coffee sawngbawlna a ngaihtuah sak avangin lawmthu a sawi a. Mamawh dang, Pi Muani kawng tih en theih dan tur chungchangte thlirho leh sawiho a ni.

Minister hi Land Resources, Soil & Water Conservation Director Pu Hualthanga Chhakchhuak leh FOCUS a thawktute leh midangten an tawiawm a ni.

Synod Hospital, Durtlang a Coffee Plantation hi Hectare khat vela zau a ni a, Grace Home chhak atanga Pi Muani kawng chhak thleng a chin a ni a, tun dinhmunah hian a rah mek a ni.