623/2022-2023
Aizawl the 25th May, 2022 : Ni 24&25 May 2022 hian Sports Minister Pu Robert Romawia Royte leh Lengteng Bialtu MLA Pu L Thangmawia HRD Vice Chairman ni bawk te chuan Ngopa khua Jubillee Hall a Public Meeting ah an tel a. Sports Minister Pu Robert Romawia Royte chuan thu sawiin " Ngopa khua chu Town (Khawpui) nihna Sawrkar in a pek thar avangin a lawmpui thu a sawi a, Mizo mi chhuanawm tam tak lo chhuah tawhna khua anih angin thangthar te pawh zirna leh hmasawnna kawng dang ah tan la sauh sauh turin a fuih. Sports Minister chuan Ngopa Khawpui chu Lengteng bial a Khawlaili leh pawimawh ber anih angin Bialtu MLA zahawm takin Sports Complex te din a Football Field-a Phullem phah a rawtna chu Sawrkar in a ngai pawimawh a, DPR te siamin Central Sawrkar ah Sum dil ani dawn tih a sawi.

ICT Minister ni bawk Pu Robert Romawia chuan " Covid hripui avang in Sawrkarin Harsatna chi hrang hrang a tawk chungin theihtawp a chhuah zel a, RBI in a tarlan dan in Mizoam leiba pawh GSDP atanga chhut in 32% hnuailam a nita a Mizoram record ani hial ta ani. Taxation Department Record a alan danin Mizoram in chhiah sum (Tax Revenue) a deh chhuah pawh nasa takin a pung a, hei hi hmasawnna hnathawh atang a GST chhunluh tam vang ani. Pung leh zual zel tura beisei mek ani bawk. Heng tehfung pawimawh Pahnih hian Mizoram Sawrkar hnathawh that zia tumah phat rual lo in a pholang ani.

Tourism Minister chuan " KTP General Conference 2024 Organising Committee te rawtna hrang hrang a hnen a an thlen chungchang pawh sawiin a hlawhtlin nan theihtawp a chhuah pui tur thu a sawi bawk. Ngopa a Public Meeting ah hian Bialtu MLA Pu L Thangmawia HRD Board Vice Chairman pawhin thusawi in Sports Minister in Lengteng biala hmalak a tumdan chu lawmawm a ti a, Lengteng bial ten tha taka tawiawm an tum.

Sports Minister Pu Robert Romawia Royte hian " KTP General conference thlen dan tur ruahmanna Organising Committee te nen an ho a Ngopa Sports Complex a Phullem phah dantur te, Tennis Court tih chang tlun dantur a hmun ah a en bawk.

Sports Minister leh Lengteng Bialtu MLA te hian NE.Khawdungsei khua an tlawh a VCP kaihhruai a Public Meeting ah thusawi in " Kawng hrang hrang a NE.Khawdungsei hmasawnna atan a Ruahmanna siam a tum dan a tarlang a. Lengteng Bialtu MLA Pu L. Thangmawia chuan a bial atang a HSLC Distinction a Passed te hnen ah lawmpuina Mobile Handset a sem bawk ani. Lamzawl, Saichal, Hliappui leh Phulrang khua te pawh an tlawh a, Mawmrang tlang behchhan a Tourism tih hmasawn dan tur Pawlrang VC te'n an lo thlen chu ngai pawimawh anih tur thu hril in an khaw tlawh hrang hrang ah hian Infiamna hmanrua te sem zel bawk ani.

Sports Minister hi Lengteng Bialtu MLA Pu L. Thangmawia bak ah Tourism Director Pu Saitluanga, ICT Senior Informatic Officer Pu Vanlalringa te MSSC Senior Sports Promotion Officer Pu Lalrinmawia MPS te'n an tawiawm ani.