624/2022-2023
Aizawl the 25th May, 2022 : Vawiin khan Minister of State for Railways and Textiles Smt. Darshana Jardosh chuan Samarth Training Programe chu Thenzawl ah a hawng a. Sericulture Minister Dr. Beichhua chuan Mizoram Handloom Export Facilitation Hub, Thenzawl ah a lo dawngsawng a ni.

MoS Smt. Darshana Jardosh chuan Handloom lama kan kutchhuak-ah quality lamah hmasawn tura tan lak zel a pawimawh hle a, daihrei leh tlo tur kan ngaihtuah a, international market thleng phak tura handloom industry neitu leh thawktu te chu a fuih a. India sawrkar chuan handloom lam mai bakah handicraft lamah nasa zawka tan lak zel a, tualchhung a eizawnna neih belh zel tura ngaihtuahna sen a tul a ni, tiin a sawi a. State lian lo tak Mizoramah puantah leh thiam hnangdeh handloom & handicraft sector a pawimawh zual thu pawh sawiin, kut themthiamna hmanga eizawngtute chu mahni kutkea dinga mahni inpuih hmasak tum thin turin a fuih a. Minister chuan Mizoram mai nilo ram chhung hmun dang leh pawn thlengpha thei tura thil siamte cheibawl kawnga ruahmanna neih a ngaih thu leh hralh kal thei tur ngaihtuah chhuah tum turin a chah a ni.

Samarth Training Programe hnuaia trainee te nen discussion hun neiin Pehchan Cards leh Yarn Passbook hlanna neih nghal a ni.

He hun hi DC Serchhip chuan welcome speech sawiin, Shri. S. Bandyopadhya, Director (EZ), WSC, Guwahati in key notes address a sawi a; Pi Florence Zotluangpuii, Director Commerce & Industries Department chuan lawmthu sawiin he hun hi a khar a ni.

Samarth Training Programe hi handloom lama eizawng ten thiamna (skill) an neih theihnana hmalakna Programe a ni.

Attachment

  • Loading attachment...