589/2022-2023
Aizawl 23rd May, 2022 : Vawiin khan UP-SCALING OF AAPDA MITRA SCHEME kaltlangin Mamit District huam chhunga first batch training chu Sports & Youth Services Department Minister Pu Robert Romawia Royte in State Training Centre, Tanhril-ah a hawng.

Minister Pu Robert Romawia Royte chuan chhiatrupna lo thlen a mi inpe hi ram mamawh a ni a, he programme hi rilru leh ngaihtuahna tak tak nena training turin sawrkarin trainee te a phut a ni, a ti a. Khawvel hi hmanlaia ta tawh chhiatrupna in min tuam a, kan tawng fo a, India ramah hian a tawng nasa thin state, district leh khua te kan awm a. Mizoram ah hian tuilian ai chuan leimin kan tuar nasa a, lirnghing ah pawh Seismic Zone V-ah kan awm tih kan in hriat reng kan ngai a ni, a ti a. Mei kang lakah te fimkhur a ngai hle bawk a, chhiatrupna eng pawh lo thleng se midang te chhanchhuah nana che chhuak tura thlan bik an ni tih inhre turin leh khawtlang beisei anga thahnem ngai leh tih tak zeta training kalchhuak turin leh fimkhur taka training turin a chah a ni. Minister chuan vawiin training ang hi Mamit District ah ngei buatsaih a nih theihnan infrastructure tha, Resource Centre sak mek a nih thu tarlangin, Bawngva-ah cheng nuai 4000 chuanga sak tur District Sports Complex tur laih mek a nih thu a sawi bawk a, Kawrthah leh W.Phaileng-ah te hmalak mek zel a ni tiin a sawi bawk a ni.

He hun hi Pu Lalrinawma Traite, Joint Director (OPs), DM&R, State Nodal Officer, Aapda Mitra chuan kaihruaiin, Pu Benjamin Lalzama Director, DM&R chuan keynote address sawiin. Dr. Lalrokima Chenkual, Deputy Director (Trg), DM&R chuan training course chungchang sawiin, Pi Lalhlupuii Sailo, Deputy Director (Admin), DM&R chuan lawmthu sawiin he hun hi a khar a ni.

Aapda Mitra training hi kar hnih awh tura buatsaih a ni a, first batch-ah hian mi 50 vel training in, district 5 thlan a ni a, Mamit District hi a hmasa ber a ni a. Lunglei, Serchhip, Champhai leh Kolasib District ah te la kalpui tur a ni a. Aapda Mitra hi chhiat tawk te thian tihna a ni a, chhiatna- leimin, kangmei, tuilian, lirnghing etc lo thlen a chi ai lo a vantlangin (community) a tul ang anga chhiat tawk te puih leh chhiatrupna lo thlen a a tul anga lawmman phutlet nei miah lo a puitu ni tura training pek hi a tum a ni.