2214/2023-2024

Champhai the 9th October, 2023 - North Eastern Council (NEC) sum cheng nuai 478.69 kaltlanga ruahman tur Zomi Cultural Centre &Preservation of Historical Sites at Champhai, Tlangnuam Vengthar chu vawiin khan Champhai S AC bialtu MLA & EF&CC, Transport etc changtu Minister Pu TJ Lalnuntluanga chuan a lungphum a phum a ni.

Hemi puala hun tawi hman, Champhai DC Pu James Lalrinchhana kaihhruaiah Pu TJ Lalnuntluanga chuan hun rei tak atanga mipuiten anlo nghahhlel tawh Zomi Cultural Centre a taka bultan a ni ta chu lawmawm tiin, he project neih theihna tura a hmalakpuite leh Planning & Programme Implementation Department, Mizoram leh NEC officials te chungah lawmthu a sawi a. Chief Minister Pu Zoramthanga chuan Champhai District mipuite mamawhte a ngaih pawimawh takzet thu leh, he Project hi NEC project dilna zingah ngaih pawimawh (priority list) ah a dah thu sawiin, District mipuite aiawhin a chungah lawmthu a sawi a. Minister chuan hun lo kal zel turah Zomi Cultural Centre chu zohnahthlak te kan inpumkhatna leh inauna ti chak tu ala ni zel dawn a ni tiin, helai hmunah hian Kut hrang hrangte hlim takin kanla hmang ho zel dawn a ni, a ti a. A thawktute pawh hna uluk taka lo thawk chhunzawm turin a chah a ni.

Er F. Lalrova, SDO, PWD Champhai Division chuan Technical Report a pe a. Zomi Cultural Centre &Preservation of Historical Sites at Champhai hi North Eastern Council (NEC) sum cheng nuai 478.69 kaltlanga ruahman tur a ni a Tlangnuam Vengthar ah hian Cultural Centre, Type 2 Quarter, Cafateria leh Artefact Shop a awm dawn a. Thasiama Seno Neihna humhalh leh Vangchhia a Waiting Shed sak a keng tel bawk a ni.

Pu T. Thanga, President Zomi Cultural Society chuan thu sawiin, Pu James Pahuauliana, Treasurer, Zomi Cultural Society chuan lawmthu sawina hun a hmang a ni.