Vawiin khan UD&PA, PHE, etc. Minister Pu Zodintluanga hovin UD&PA, PHED leh PWD hotu officer-te chuan Secretariat Conference Hall-ah JNNURM chungchang leh thildanga hnathawh honate sawiin Joint Meeting an nei. He hunah hian Parliamentary Secretary Pu Hmingdailova Khiangte pawh a tel a ni.

Minister Pu Zodintluanga chuan sawihawnna hun hmangin, Department pathumte chu mipui rawngbawl hnathawh kawngah inthlunzawm tlat an nih thu sawiin, dawhkan khat kil ho a indawr chu department hrang hrangte hna inhriattawn sak a, sawt zawka hmalak theihna a nih thu a sawi a. Chiang zawk a thu rel a, thawhhona tha zawk an neih theih a beisei thu a sawi bawk.

Vawiin joint meeting-ah hian Sorkar laipuia Ministry of Urban Development hnuaia 10% Lumpsum Grant scheme atanga fund hmu tura project thehluh tak report ngaithla in, bawhzui zel dan tur rel a ni a. JNNURM hnuaia kawng siam hna kalpui mek chungchangte leh thil dang danga Department pathumte thawh ho dan tur sawiho a ni.