Vawiin khan PWD, Lunglei Circle huam chhunga Pradhan Mantri Gram Sadak Yojana (PMGSY) Contractor leh Site Engineer te tan ni khat awh inzirtirna “Training for Skill Development of Field Staff” chu SE, PWD Conference Hall, Lunglei-ah buatsaih a ni a. UD&PA Minister Pu Zodintluanga chuan khuallian niin he training hi a hawng.

Training hawnna inkhawm Er C.Lalchhuana, SE PWD Lunglei Circle kaihhruaiah hian Pu Zodintluanga chuan Contractor kalkhawmte chu kawng an laih chhan mipuite dah pawimawh hmasa ber tura chahin khawtlang tana an pawimawh zia leh an mawhphurhna a san zia hre nawn leh fo turin a chah a. Engineer leh contractor-te chu langtlang taka an harsatna te sawiho thin tura a duh thu leh inhriatthiam tawnna boruak tha hnuaia mipuite tan thahnem ngai taka hma la tlang turin a chah a. Minister chuan Contractor-te leh Site Engineers te puala training pawimawh tak Skill Development Training buatsaih ani chu lawmawm a tih thu sawiin kalkhawmte chu uluk tak leh hriatthiam tum tak tak na rilru nen inzir turin a chah a. An hriatthiam loh te chu inthlahrung hauh lova zawt chiang tura chahin  training chu hlawkpui theuh turin duhsakna a hlan a ni.

Skill Development training hi ni khawt awh tur niin National Rural Roads Development Agency (NRRDA) kaltlanga buatsaih a ni a. Road Safety & Audit and Maintenance of Flexible Pavement, Planning Design and Construction of Bridge & culvert, Construction of Rigid Pavement including New material and Technologies, Construction and maintenance of Flexible Pavement leh Community Based Maintenance tih thupui te an zirho dawn a ni.   

 

Attachment

  • Loading attachment...