Home Minister Pu. R. Lalzirliana chuan vawiin YMA Day vawi 77-na programme chu abial a Keifang Venghlun Branch leh Saitual ah te a hmanpui.

YMA member kal khawm te hma ah thu sawiin Minister chuan YMA thupui- Ram leh Hnam humhalh tih chuan hnamdang ngaih theih loh na ni lovin thian a siam a huam zawk a ni a ti. Ram leh Hnam humhalh nan nungcha, thing leh mau leh lui te kan humhalh a pawimawh a ni tiin Pu R. Lalzirliana chuan tun anga kan Ram kan tih chereu zel chuan thangtharte tan kan Ram neih chhun hi chenna tlak loh ah kan chhuah mei a hlauhawm a ni a ti. Tlawmngaihna chu Ram leh Hnam humhalh na tha tak ani tiin Minister chuan Mizo nun ti mawitu tlawmngaihna chu chhawm nung zel turin YMA member te chu a sawm bawk.

Hnambil anga inlak hran na chuan, Mizo inpumkhatna a ti chhe thin tih sawiin Minister chuan sorkar chuan inngaih dial dial a awm tlan chu a duh a, lungawi lawhna nei apiang te chu tha tak a sawi pui turin sorkar chu a in peih reng thu a tarlang bawk. Hmeithai, Pachhia, harsa leh mangangte YMA ten In an sak sak thin chu lawmawm tiin Pu R. Lalzirliana chuan ruihhlo do leh khawtlang siam that rawngbawlna pawimawh tak te chu tha hnem ngai tak a thawk chhun zawm zel turin YMA member te chu a chah bawk.

Saitual a YMA Day programme hi Joint YMA huaihawt a hman a ni a, Joint YMA President Pu Ramchhuanmawia’n kaihruaiin Pu Lalremmawia Sailo leh Pu F. Lalrimawia te hnen ah tlawmngai huaisen chawimawina an hlan a, Ram leh Hnam humhalh tih thupui te ngaithla in lengkhaw zai intihsiak na te an nei a ni.