1885/2023-2024

1. Ex-Servicemen Contributory Health Scheme (ECHS) hi ni 01 April 2003 atang Department of Ex-Servicemen Welfare, Ministry of Defence in alo kalpui tan tawh a. He scheme tum bulpui ber chu Ex-Servicemen leh an chhungte tana changtlung taka damlo inenkawlna pek ani. Chumi tih theih nan chuan India ram pum huapin ECHS Polyclinic te, Armed Forces medical facility te an nei a. Tin, private emaw Govt hospital te nen thawhhona tha tak an nei bawk ani. Mizoram a ECHS facility enkawltu leh chak taka kalpuitu chu STATION HEADQUARTERS, AIZAWL ani a, hemi Headquarters hnuaiah hian ECHS Polyclinic pahnih, ECHS POLYCLINIC, AIZAWL leh ECHS POLYCLINIC, LUNGLEI te an awm ani.

2. State Referral Hospital/Zoram Medical College a Ex-Servicemen leh an chhungte’n CASHLESS leh CAPLESS TREATMENT an neih theih nan vawiin ni 14 September 2023 hian Ministry of Defence leh State Referral Hospital/Zoram Medical College, Falkawn te chuan Memorandum of Agreement (MoA) an sign.

3. He memorandum chhinchhiathlak tak hi Headquarters Eastern Command, Headquarters 101 Area Shillong leh Central Organization ECHS aiawhin Colonel Senthil Kumar S, Director, Regional Centre, ECHS Guwahati leh Dr. John Zohmingthanga, Director & Medical Superintendent, State Referral Hospital/Zoram Medical College ten an sign ani.

4. He memorandum sign anih tak avang hian, State Referral Hospital/Zoram Medical College chu ECHS ah empanelled alo ni ta a. ECHS Polyclinic, Aizawl leh ECHS Polyclinic, Lunglei atanga damlo refer te chuan an ECHS card hmangin multi-speciality leh super-specialitiy treatment an dawng thei tawh dawn ani. ECHS Polyclinic Aizawl leh ECHS Polyclinic Lunglei te hi Station Headquarters, Aizawl enkawlna hnuaia awm niin Mizoram a Ex-Servicemen te inenkawlna lamah thahnem ngai takin Headquarters Eastern Command leh Headquarters 101 Area Shillong te nen an thawk ho reng ani. He Memorandum hian Ex-Servicemen leh an chhungte inenkawlna kawnga Guwahati leh Kolkata te an pan thin fo naa kum 3 chhunga an phurrit te chu a chhawk zangkhai hle tawh tura ngaih ani.