520/2026-2027

Aizawl the 14th May 2026: Nimin tlai lamah khan Chief Minister Pu Lalduhoma leh DoNER Minister Pu Jyotiraditya Scindia te chuan online-in Mizoram Ginger Unique Selling Proposition Project, Rs. 189.78 Crore senna tur - Sustainable Ginger Cultivation & Value Chain Development Project an hawng a.

He project-a Sustainable Cultivation, Farm Mechanization leh a dangte hi Ministry dangte nena thawkho (Convergence) a kalpui tur a ni a, Post-Harvest Management & Processing erawh hi chu NEC (Focussed Development Component) Fund atanga thawh tur a tih a ni a. A thawh nan Rs. 30.13 Crore chheh hran a ni.

Nimina Project hawnna inkhawm neih zawh veleh khan Ministry of DoNER chuan he sum Rs. 30.13 Crore hi NEC ah hian a sanction fel nghal a ni.

Kan lo tarlan tawh ang khan ruahman danah chuan a process-na hmunpui ber (Main Hub) hi Mualkawi, Champhai District-ah din a ni ang a. A chawmtu turin a chhehvel khaw pathum Tualcheng, Vaphai leh Zotlangah unit tenau zawk (Spoke hub) din a ni ang. Kuminah hnathawh tur tul zawng zawng thawh zawk a, nakkum Sawhthing tharchhuah sawngbawl hman tum a ni.

Rang taka pawisa an rawn sanction avang hian Chief Minister Pu Lalduhoma chuan Minister of DoNER chungah lawmthu a sawi a ni.