No.2391/2021-2022

Aizawl, 29th September, 2021 : Vawiin khan Mizoram Rajya Sabha M.P Pu K. Vanlalvena leh Pu Rosangzuala OSD to Chief Minister te chuan Dr.Renu Swarup, Secretary, Department of Biotechnology, Ministry of Science & Technology chu a office ah hmu in natna hrik enfiahna, Infectious Disease Diagnostic Laboratory (I-Lab)Mizorama bunna tur chungchanga hmalakna an sawipui.

Pi Renu chuan sum harsatna karah Dr.Jitender Singh, Union Minister of State for Science & Technology hnena Mizoram Chief Minister Pu Zoramthanga ngenna ngai pawimawhin Department of Biotechnology chuan Mizoram tan I-Lab pakhat a rawn bun sak thuai dawn tih sawiin chawlhkar 4 chhunga tihfel a nih tur thu a lo hrilh a. He I-Lab hi tunah Vishakapatnam ah buatsaih mek a ni tih sawiin Pi Renu chuan a hun takah Mizoram a thlen theih na tura thil pawimawh te lo enzui tur leh a tul anga IBSD Imphal te nen inrawn chunga ruahmanna lo siam turin Department of Biotechnology official 2- Dr.Manoj Kumar Modi leh Annamika Gambhir te chu hemi atan hian ruat an ni tih a lo hrilh bawk a ni.

Pu Vanlalvena leh Pu Rosangzuala te hi Pu Amjak Tak, IAS, Resident Commissioner, Mizoram House New Delhi-in a tawiawm a. Dr.Renu Swarup leh Union Minister of State Dr.Jitender Singh te chu Mizorama hripui leng dona tura chak taka hma an lak avangin Chief Minister aiawhin lawmthu an hrilh a ni.