No.2390/2021-2022

Aizawl, 29th September, 2021 : Vawiin khan Mizoram Youth Commission Chairman Dr. Vanlaltanpuia, MLA leh Champhai North bialtu MLA dr. ZR Thiamsangate chu MYC Chairman pisa ah an inkawm a, Dr. ZR Thiamsanga hi MZP Hqrts, Champhai hruaituten an tawiawm a ni.

Dr. ZR Thiamsanga chuan MYC Chairman hnenah hian Champhai district leh a chhehvela thalaite tan thiamna kawnga hma an sawnna tur leh eizawnna an dap kawnga an chhawr tangkai theih nan Coaching Centre an mamawh thu a thlen a, MYC Chairman chuan Champhai district-a MLA te bakah Mizo Zirlai Pawl ten an district leh a chhehvela thalai lehkhathiamte hmakhua ngai taka ngaihtuahna an seng leh thahnem an ngai chu ropui a tih thu leh a ngaih pawimawh takzet thu lo hrilhin, Mizoram Youth Commission chuan Mega Hybrid Coaching Programme hi Mizorama hmun 4 –Aizawl, Lunglei, Siaha leh Kolasib-ah Centre an hawng tawh tih a sawi a, uluk taka ruahmanna siam a tul thu sawiin Champhaiah pawh bialtu MLA te nen tang tlangin a tul anga Centre hawng tura hma lak a lo tiam a ni.

MYC Mega Hybrid Coaching Programme hnuaiah hian Civil Services Exam bakah Professional Course hrang hrang (IIT-JEE, NEET, SSC, Bankingetc.) exam tumte tan coaching kalpui a ni.