941/2023-2024
Food Civil Supplies & Consumer Affairs Directorate chuan a hnuaia tarlan ang hian hriattirna a chhuah :
Tunlaia Manipur State in harsatna a tawh mek avanga Mizoram-a an sahimna tur zawnga raltlan ten ei leh bar a harsatna an tawh a lo ziaawm theih nan, Mizoram sawrkar chuan Central sawrkarah raltlan zinga NFSA beneficiary (AAY leh PHH family te) ten One Nation One Ration Card (ONORC) hmanga an buhfai quota an lak ve theih dan tur ruahmanna a siam chu an rawn tihfel tak avangin raltlan ten an raltlanna hmun atanga FPS (Retailer) hnai berah an buhfai quota an la ve thei ta a ni.
Chuvangin, Mizoram mipui ten kan thenawm hnai vaiah Manipur raltlan (Manipura an awm laia NFSA beneficiary te) an awm anih chuan he hamthatna an hmuh theih hi inhrilh bengvar turin kan ngen e. Ration la tur hian Ration card number emaw Adhaar number emaw an hriat chuan a lak theih vek a ni.
Tun dinhmunah hian hemi ONORC hnuaiah hian chhungkaw thum (member pasarih) te pek tawh a ni.
