No.1546/2021-2022
Aizawl 25th July 2021: Ni 24 July 2021(Inrinni) tlai lamah khan mi tu tih hriatloh te’n Mobile Phone No.09339931308 atanga SMS thawn chhuakin Consumer-te Electric bill an peknaah an hming chungchanga thil fel lo a awm avanga hemi zan dar 7:30pm hnulama an current tih thimsak an nih tur thu thehdarh a awm a. Hei hi Power & Electricity Department, Govt of Mizoram atanga thuchhuak a ni lova, inbum tumna nia a lan avangin Phone number an tarlanah biak let tum lo tur leh lo bawhzui lo turin Consumer-te hriattir kan ni e.
Power & Electricity Department hian hetiang ang SMS hmang hian Consumer-te eng tih thimsak an nih tur thu leh a chinfel nana Phone call hmang emaw Email leh Web link a lut turin hriattirna a tichhuak ngailo a. Chuvangin nidang zelah pawh hetiang ang message hi kan dawng a nih chuan chi-ai lo tur leh engmah bawhzui lo tura ngen leh hriattir kan ni e.
