DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/mipuite-hnena-power-electricity-department-hriattirnap

MIPUITE HNENA POWER & ELECTRICITY DEPARTMENT HRIATTIRNA

4135/2025-2026

Aizawl the 23rd January, 2026 : Electric Bill chungchangah misual thenkhat in mipui bum tumin SMS an thawndarh tih hriat a ni a, a titute hi Mizoram State pawn lam nia hriat a ni.

Power & Electricity Department atanga SMS thawnchhuah chu SMS sender ID ah GOVMIZ' tih a awm vek a. Phone Number satliah atanga SMS chu rin loh tur a ni. Hetianga pawisa lo pe tawh kan awm anih chuan Cyber Crime Police Station, Treasury Square-ah thubuai ziah luh theih a ni.

Mipuite fimkhur turin kan in chah a ni.