4134/2025-2026
Aizawl the 23rd January, 2026 : Ui khuahkhirh loha thlah zalen lutuk hi mi pawi sawina a ni thei a. Khawlaiah kan vah tir mai mai chuan mihring tan a hlauhawm bakah khaw chhung a ti tawp thin. Tin, ui a hri danna pek loh in mi a seh phei chuan ui neitu hrernna a nep lo hie a ni.
Chuvangin, Er. Lalhriatpuia, IAS, District Magistrate, Aizawl District chuan Section 163 of BNSS, 2023 in thuneihna a pek angin, kan ui vulh te khuahkhirh nan leh ui a hri laka Aizawl District mipuite kan lo him zel nan a hnuaia mi ang hian thupek a chhuah :-
- Ui vulhtuten ui a hri danna (Rabies vaccine) an ui vulhte an pe vek tur a ni.
- Khawlaiah zalen takin an ui an chhuah tir mai mai tur a ni lo.
- An chhuahpui dawn a nih pawn hrui (leash) rinawm takin an kai ngei tur a ni.
- An zun leh ek khawlaiah an hnutchhiah tur a ni lo.
- Midang tana harsatna siam thei zawngin ui an vulh tur a ni lo.
- Ui khuahkhirh lovin mihring a seh chuan Section 291 BNS, 2023 hmangin thia ruk (6) chhung lungin tan emaw Rs. 5000 thleng chawi theih a ni.
He thupek hi tih danglam a nih loh chuan thla hnih (2 months) chhung a huam anga, zawm lo te chu Section 223 of BNS 2023 dan hmanga hrem an ni ang.
He thupek hi District Magistrate Seal-a nemnghetin ni 20 January, 2026 khan hming a ziah hnan.
