4133/2025-2026
23rd January, 2026 : Sawrkar hriatpuina tel lova kuhva phurh te, tawlh te, mahni remhriat dana dah thatna hmun (godown/kudam) lo siam ringawt te hi dan kalh tlat a ni a. Hemi laka Aizawl District mipuite kan inhnamhnawih lova kan lo him theih nan khapna thupek chhuah a lo ngai leh ta a.
Chuvangin, Er. Lalhriatpuia, IAS, District Magistrate, Aizawl District chuan BNSS 2023 Section 163 in thuneihna a pek angin a hnuaia tarlan ang hian thupek a chhuah :-
“Aizawl District huamchhung khawi hmunah pawh Dan in a phal bak chin Kuhva phurh, tawlh leh dah that khap tlat a ni”.
He thupek bawhchhia chu BNS 2023 Section 223 hnuaiah hrem theih an ni ang a.
Thupek hi tihtawi a nih loh chuan, puan a nih atanga thla hnih (2 months) chhung a huam ang.
He thupek hi ni 21st January, 2026 khan District Magistrate Seal-a nemnghetin hming a ziah hnan.
