Dapchhuah to Dampui inkar kawng NH-44A (Road) Daplui bula kawng chhuat tlabal leh leimin avanga kawng siamthat hna chu beisei aia a lo hautak avangin zawh mai theih a ni lova. Lirtheite tana kaltlang a him tawk loh avang leh siamthat hna chak zawka thawh anih theih nan hemi chungchanga thupek lo chhuah tawh (vide No.SP/MMT/CRM/8/19/662 Dt 30.7.2019) in Dt.31.7.2019 (Nilaini) Dar 5:00 pm thleng Lirthei kaltlang khapna chu kalpui zel a tul a.

Chuvangin, Pu Shashank Jaiswal, IPS, Superintendent of Police, Mamit District chuan Motor Vehicle Act, 1988 (Act 59 of 1988) section 115 leh Mizoram Sawrkar Notification No.B.12021/19/94 - TRF Dt 25.9.2007 in thuneihna a pek angin Dt 2.8.2019 (Zirtawpni) tlai dar 3:00 thleng hian Dampui leh Dapchhuah inkar kawngah Lirthei/Motor eng chi mah tlan tlang phal a ni lo tih thupek a chhuah a ni.

He thupek hi kan him tlan zawkna leh mipuite harsatna chak zawka sutkian theihna tur anih avangin thupek zawm theuh tura ngen kan ni.