Nimin March 18 khan New Delhi-a Japan Embassy chuan India rama NGO 4 thlan chhuah te hnenah Grant Assistance for Grassroot Projects(GGP) tanpuina a hlan a. Mizoram atangin Mission Foundation Movement (MFM) chu heng NGO 4 thlan chhuah te zingah telin Khamrang-a Community Health Clinic sakna turin tanpuina sum US dollar 72,307 chu MFM Co-ordinator Lalramchuanzela s/o R.Vanlalzauva hnenah Japan Ambassador to India, Takeshi Yagi-an a hlan a ni.

Japan sorkar chuan kum 1989 atang khan Grant Assistance for Grassroot Projects hi kalpui tanin hemi hnuaiah hian ram thang meka mihring chengte mamawh bulpui phuhruk sak tura hlawkna um lova thawktu NGO te leh heng hmuna zirna leh damdawi in te chu sum tanpuina a pe thin a. Kuminah hian NGO 4 hnenah an project kalpuina turin tanpuina pek a ni a; chung te chu - 1. Tamana, New Delhi- “Project for Expansion of Vocational Training Center for Persons with Intellectual disabilities in Delhi”; 2. Assissi Sister’s St.Joseph’s Dispensary, Uttar Pradesh - “Project for construction of Out-patient department for poor patients in Agra”; 3. Saint Hardyal Education and Orphans Welfare Society, Uttar Pradesh - Project for construction of Shelter Home in Amroha, U.P for destitute and Helpless Old Aged People from streets of Delhi”; leh 4. Mission Foundation Movement, Mizoram - “Project for construction of Community Health Clinic in Khamrang village” Heng NGO 4 te hnenah hian a vaiin sum tanpuina US Dollar 349,419 Japan sorkar chuan a pe a ni.