1698/2024-2025

Aizawl, the 22nd August, 2024: Vawiin chawhnu khan LESDE Department Auditorium, MINECO ah Japan rama Mizo ṭhalai hnathawk tura Delhi-a ṭawng zir tura vailiamna hun hman a ni.

He hun hmanpuitu Pi Angela Zothanpuii, Director, LESDE Department chuan NSDC te hmalakna thlawp chungin department in thalai te hmakhua ngai tak leh fimkhur tak chungin hmalakna kalpui zel a nih thin thu a sawi a. Department ngei pawn hmalakna zau zawk an chhawp chhuah zel tur thu a sawi bawk a ni. LESDE Director chuan Japan SSW chu sorkar hmalakna a Ministry of Skill development and Entrepreneurship hnuai a kalpui a ni tih a sawi a ni. Kal tur zawng zawng te ngaihhruina thilpek a hlan bawk a ni.

Pi Ellen Lalnunmawii, State Engagement Coordinator chuan Japan SSW program sawi zauna hun hmangin, LESDE Department hmalakna hnuaia Japan rama Caregivers hna thawk mek lai Mizo thalai mi 16 an awm thu leh, kal tur a training nei mek leh nghak mek mi 14 awm in, tunah hian Mizoram thalai 30 ten training  an tan leh dawn tih a tarlang a ni. 

Heng thalai mi 23 te hian thla 9 chhung Delhi-ah Japanese Language Training an nei ang a, chumi zawh chuan Japan lama employer thawhpui te kaltlang in an lehkha pawimawhte tihfel a nih hnuah Japan-ah hna an thawk thei dawn a ni.

Vawiin hun buatsaihah hian LESDE Department-a Joint Director, Deputy Director leh LESO officers te bak ah, department officials dang ten an hmanpui a. Delhi-a kal tur thalai 23 te hi an chhungte'n an rawn tawiawm bawk a ni.