2083/2023-2024

Ngopa, 30th September, 2023: MHIP Ngopa Block te chuan 28-29 September 2023 khan Block Conference leh an kum 25 na (Silver Jubilee) lawmna hun Ngopa ah neiin nizan khan a tiak a, HRD Board Vice Chairman, Lengteng bialtu MLA Dr. L.Thangmawia chuan he hun hi hmanpuiin MHIP Ngopa  Block Silver Jubilee lawmpuinan  cheng 50000 a hlan.

He hun ah hian thusawi in Dr Thangmawia chuan MHIP Ngopa Block ten Silver Jubilee an thleng chu  a lawmpui thu sawiin he hun thleng thei tur a MHIP hruaitu lo ni tawh zawng zawngte leh ni mek te inpekna  a ropui tak zet a ni a ti a. Dr Thangmawia chuan Mizoramah mizo hmeichhia te an chhuanawm chho hle a Board leh University exam hrang hrang ah leh MPSC leh MSSSB exam ah te mipa tam tak te tluk lovin a hmasa lam ah an hming kan lo hmu tlar dul thin a, hei hi an lawmpui awm em em rual hian mizo mipa te tan chona nasa tak kan nula te hian min hmachhawn tir mek a ni ati.

Dr Thangmawia chuan tunhnai ah Lok Sabha leh Rajya Sabha in lungrual tak in MP leh MLA in thlan ah 33% hmeichhia te tan seat hausakna (reservation) dah tur in lungrual takin  thutlukna  an siam ta a. He dan hman a nih hunah chuan Mizoram MLA  bial 40-ah pawh bial 13 hi hmeichhia te tan seat hausak a ni tawh dawn a ni a ti a, chutih lai erawh chuan hmeichhia te tan a seat hauh sak sa VC, LC leh Municipal Council ah te hmeichhe Candidate tur harsa taka,  a zawn a zawn chawp ngaihna a tam thin hle a, chuvangin mizo hmeichhe chhuanawm tak tak te mahni in phat a, mipuite leh kan ram leh hnam  tan a thawk tura thutlukna lo siam lawk turin ka ngen a ni a ti.

Dr L.Thangmawia  hi  Pu C.Lalthanzira Addl SPD, Samagra Shiksha leh Dr Lalsangliani, BRCC Ngopa ten an tawiawm a ni.

Ngopa Block MHIP hian Pawlrang, Ngopa, Lamzawl, NE Khawdungsei, Khawkawn, Chiahpui, Kawlbem, Teikhang, Hrianghmun leh Mimbung khuate a huam a ni.